Góðar reglur

Niðanfyri eru nakrar einfaldar reglur, sum tit kunnu læra børnini. Far ein túr við einum lítlum bólki, so tit kunnu venja í ferðsluni.

 

Gakk innast á gongubreytini

Byrja við at vísa børnunum, hvar á gongubreytini tey skulu ganga. Tey skulu ganga innast á gongubreytini við einum vaksnum millum seg og ferðsluna. Á henda hátt er lættari at halda børnunum burtur frá vandastøðum.

 

Vís børnunum, at bilar, súkklur og prutl ofta koyra tætt við gongubreytina.

 

Steðga við kantsteinin og við innkoyringar

Steðga altíð á við kantsteinar og vegjaðarar, áðrenn tit fara tvørturum. Steðga eisini á við inn- og útkoyringar, eisini hóast tit vita, at eingin kemur.

 

Gakk bara í ferðsluni saman við vaksnum

Børnini mugu ongantíð vera einsamøll í ferðsluni.

 

Spæl ikki í ferðsluni

Sig ofta við børnini, at tey mugu ikki spæla í ferðsluni.

 

Tosið um ferðslu

Hygg at øðrum fólki til gongu í ferðsluni. Steðga tey við kantsteinin?

 

Tosið um ferðslu

Lurtispæl

Vandamiklar støður

Gonguteigur

Tvørtur um vegin

Ferðsluljós

Skúlavegurin

Takið myndir